رئيس غرفة أصحاب المخابز: ''أحنا فرحانين اليوم.. ولكن..''
استضاف برنامج ميدي شو اليوم الإثنين، محمد بوعنان رئيس الغرفة الوطنية لأصحاب المخابز للحديث عن أسباب النقص المسجل في الخبز وعن الإشكاليات التي تواجهها المخابز.
وأفاد بوعنان بأن الغرفة التي يرأسها تمثل المخابز التي تحمل بطاقة مهنية، وعددها 3500 مخبزة في مختلف أنحاء الجمهورية مجهّزة بتجهيزات عصرية.
وعن سبب النقص في مادة الخبز، قال ضيف ميدي شو ''كانت عنا 900 ألف خبزة يباتو يوميا.. اليوم المخابز العشوائية قاموا وقعدوا يبيعو الخبزة بـ250 مليم ونقصوا في الميزان... المواطنين رجعولنا والخبز اللي يبات معدش..''.
وأوضح أن وزارة التجارة تدخلت وقامت بحملة شاملة في مختلف مناطق البلاد، وتم حصر كل المخابز التي تملك كميات إضافية من ''الفارينة'' المدعمة، ووزّعتها على المخابز التي تشهد نقصا في هذه المادة. وقال ''نتعداو شهر رمضان، الفرينة بش تقعد والخبز بش يقعد، بش يحصرو كل منطقة قداش محتاجة خبز.. ما يساعدهمش يعطيو فرينة للي يجي''.
وعبّر ضيف ميدي شو على رضاه بهذا الإجراء، قائلا ''لاباس فرحان، حاجة برك عنا مستحقات ما خذيناهاش عنا 11 شهر.. وعدونا قالوا اعطيونا شهرين ونشوفو..نطلبو من الدولة صرف مستحقاتنا اللي هي كلفة صناعة الخبز.. كان ما يعطينيش راني ما نصنعش الخبز. .كل خباز ما اقلش من 60 ألف دينار، ضمان اجتماعي وستاغ وخدامة مش خالصين..''.