موكا وكعبي: ''ينقدونا خاطر أحنا كلّ شيء''
حلّ كلّ موكا وكعبي لأوّل مرّة ضيفان على برنامج "نجوم" اليوم 6 فيفري 2021، للحديث عن أغنية جمعتهما تحت عنوان "Vroom".
وقال ضيفا "نجوم" "الأغنية هاذي عملناها على الجوّ وجاءت بفدلكة، استشرنا أصدقائنا، كيما توتو والكاستور وشجعونا بش نهبطوها".
ويبلغ موكا من العمر 18 سنة وهو ابن وليد العبيدي، الحارس السابق للنادي الترجي الرياضي التونسي، ولد في تونس وعاش لفترة طويلة في إيطاليا ثمّ انتقل إلى عمان ثمّ إلى دبي، وقال في هذا السياق "أحنا كعايلة كلّ ما نقلقوا نبدلوا من البلاد..".
أمّا كعبي، اسمه الحقيقي مالك الفرشيشي، هو ابن مدينة المرسى، وقد عُرف كلّ من موكا وكعبي خاصة من خلال ظهورهما في فيديوهات كليب بعض مغنيّ الراب مثل توتو والكاسترو.
وقال موكا في هذا الإطار "مانجموش نقولوا على رواحنا مغني راب خاطر، مازلنا مناش نعملوا في الراب.. أما أحنا نكتبو وحدنا..".
وعن النقد الذي وُجه لهما خلال ظهورهما في أحد البرامج التلفزية، قال كعبي "النقد الموجه لينا عادي.. ينقدونا ويلزم بش يقولوا علينا حاجة.. خاطر أحنا كلّ شيء".
